大部分散戶輸錢，唔係因為唔識分析，係因為冇流程。今日聽人講一隻，聽日睇到新聞又買一隻；買入理由每次都唔同，賣出理由更加係臨場決定。
呢個課程做嘅事好簡單：將「亂炒」拆開，砌返做一套可以重複執行嘅流程。
你會由十個最常犯嘅錯開始，學識落單前寫低四句話，再用注碼公式反過來計——先決定今次最多肯輸幾多，再決定買幾多股。跟住學睇圖七件事：趨勢、成交量、平均線、RSI、通道、支持阻力、大市板塊，並且用六個條件判斷一個突破係真定假。
第三章係最硬嘅部分：收縮型形態。平台排（Flat Base）、VCP 波幅收縮形態、杯柄形態，全部用真實港股日線圖同周線圖逐格拆——邊度係第一次收縮、Pivot 畫喺邊、止蝕擺喺邊會被震走。之後再講短炒流程、香港市場獨有嘅盤路同新股研究、板塊輪動同個股分野，最後砌埋做一套你自己嘅系統。
呢個課程唔講嘅嘢，同佢講嘅一樣重要：唔講財務報表、唔講業績估值、唔講心態、唔講美股、唔會有任何股票推介。
適合開咗戶、買過幾次港股、但每次買入理由都唔同嘅人。唔需要任何會計或者金融底。
