MEOW+｜點解明知股票難賺錢 人人都覺得自己得
最近睇書見到一個概念
我覺得幾適合套落股票市場
成日都有人話
股票市場真正長期賺到錢嘅人其實唔多
每一批新人入場嗰陣
好少人會覺得自己係輸嗰班
大家第一時間諗嘅通常都係
人哋唔識啫
我做足功課應該得掛
點解股票咁容易令人有呢種感覺
本書講咗兩樣嘢
我自己睇完覺得幾有意思
第一係結果可以好大
第二係感知成本可以好低
一隻股票幾日升20%
一隻新股上市升幾成
一個月賺到平時返工幾個月嘅人工
呢啲結果又真實出現喺你面前
入場個動作又實在太簡單
開個股票App
撳幾下買入 幾秒已經完成
所以人腦好容易產生一個錯覺
但真正困難嗰部分
其實全部發生喺撳完Buy之後
點揀股 幾時買
買幾多 錯咗點處理
升咗幾時食糊
跌咗係止蝕定加倉
連續錯幾次仲可唔可以守返自己套方法
呢啲先係真正成本
只不過呢啲成本
唔會喺你第一次開戶嗰陣顯示出嚟
我覺得呢個概念其實唔止適用股票
做生意同Marketing都一樣
一件產品如果俾人感覺
得到嘅結果非常大
而付出嘅成本又好似非常低
自然就會吸引人
但投資有趣嘅地方就係
表面門檻可能係一部電話
真正門檻
可能係你要用幾年時間
先知道自己原來有幾多嘢唔識
所以我成日覺得
股票最容易令人上癮嘅地方
唔係因為一定容易賺錢
而係佢睇落太似容易賺錢
追蹤貓大新品牌 @meowplus_hk
貓大 YouTube Channel
MEOW+｜不只股票 多一點可能
#港股 #投資心態 #散戶 #股票投資 #貓大
以上內容只屬個人分享及教育用途
並不構成任何投資建議或買賣邀約
投資涉及風險
入市前請自行判斷及承擔風險